नेकपा एमाले सिन्धुपाल्चोकको अध्यक्ष पदका लागि पाँचजनाले उम्मेदवारी दिएका छन् । नवौं जिल्ला अधिवेशनअन्तरगत नेतृत्व चयनका लागि सुरु भएको चुनावी प्रक्रियमा अध्यक्षका लागि अहिलेका सचिव कमल नेपाल, नेताहरु केदार क्षेत्री, बालकृष्ण देउजा, होमनारायण श्रेष्ठ र डोल्मा तामाङले उम्मेदवारी दिएका हुन् ।

त्यस्तै दुई उपाध्यक्षका लागि चारजनाको उम्मेदवारी परेको छ । जसमा जेपी सिलवाल, मित्रलाल चौलागाइँ, उमा प्रधान र चन्द्र थिङ रहेका छन् । त्यस्तै एक सचिवका लागि आठजनाले उम्मेदवारी दिएका छन् । रामचन्द्र बस्नेत, सोमर बम्जन, विष्णुमणि आचार्य, कृष्णगोपाल तामाङ, अर्जुनकुमार भण्डारी, फइन्द्र तामाङ, यज्ञ सापकोटा र नेत्र पौडेलले सचिवका लागि उम्मेदवारी दर्ता गराएका हुन् ।

दुई उपसचिवका लागि नौजनाले उम्मेदवारी दिएका छन् । रामबहादुर सुनार, कुष्माखर नेपाल, निर्मल बञ्जरा, चिरन तामाङ, सुशीला पाख्रिन, राजकुमार सुवेदी, रामचन्द्र नेपाल, शिवहरी सापकोटा र डबले लामाले उपसचिवका लागि उम्मेदवारी दिएका हुन् ।

त्यस्तै सदस्यका लागि एक सय ७४ जनाको उम्मेदवारी परेको सिन्धुपाल्चोक एमालेले जनाएको छ । २३ गते उद्घाटन भएको सिन्धुपाल्चोक एमालेले नेतृत्व चयनका लागि आजदेखि चुनावी प्रक्रिया सुरु गरेको हो । पाँचजनाको उम्मेदवारी परे पनि सहमतिमै नेतृत्व चुन्ने प्रयास भइरहेको सिन्धुपाल्चोक एमाले इन्चार्ज शेरबहादुर तामाङले बताए ।

प्रतिक्रिया

सम्बन्धित खवर

ताजा समाचार

लोकप्रिय

error: Content is protected !!