गुणस्तरहीन मह बनाएर शुद्ध मह भन्दै बेच्ने ईन्द्रावतीका एक व्यक्तिलाई प्रहरीले काठमाडौंबाट पक्राउ गरेको छ । सिन्धुपाल्चोकको इन्द्रावती गाउँपालिका–६ घर भई हाल काठमाडौंको ज्याठा बस्ने नरबहादुर श्रेष्ठ पक्राउ परेका हुन ।

उनको साथबाट मह बनाउन प्रयोग गरिने सामग्री, मेसिन, केमिकलसहित ६०० केजी गुणस्तरहीन मह बरामद गरेको प्रहरीले जनाएको छ ।

सात वर्ष अगाडिदेखि ‘स्पर्स हनी’ ब्राण्डमा गुणस्तरहीन मह बेच्ने गरेको अनुसन्धानको क्रममा खुलेको छ । सो मह खाद्य प्रविधि तथा गुण नियन्त्रण विभाग बबरमहलमा परीक्षण गर्दा खानयोग्य नरहेको पाइएको प्रहरीले जनाएको छ ।

उनले मह बनाउन प्रयोग गरिने कच्चा पदार्थ दाङ, नवलपरासी र चितवनबाट खरिद गरी ल्याउने र गुणस्तरहीन मह बनाएर काठमाडौं, भक्तपुर र पोखराका होटल तथा रेष्टुरेन्टहरुमा ६५० रुपैयाँ प्रतिकिलोमा बेच्ने गरेको पाइएको छ ।

प्रतिक्रिया

सम्बन्धित खवर

ताजा समाचार

लोकप्रिय

error: Content is protected !!