काठमाडौं महानगरपालिकाको मेयरको मतगणना चल्दै मेयरका प्रत्याशी बालेन एमाले अध्यक्ष केपी शर्मा ओली निवासमा पुगेर भेटेको खुलासा भएको छ । यो भेटको विवरण भने अहिलेसम्म दुवै पक्षले गोप्य राखेका थिए ।
बालेनको चुनावी टिमका सदस्य कुमार बेनले ओलीसँग भेट भएको पुष्टि गरेका छन । बेनका अनुसार मतगणना सकिने अघिल्लो दिन बालेनसहितको समूह बालकोटमा पुगेको थियो । उनले भेटको विवरण चाँडै सार्वजनिक गर्ने समेत जानकारी दिए ।
बालेनकै प्रस्तावमा यो भेटघाट भएको स्रोतको भनाइ छ । चुनावअघि पनि बालेन ओलीसँग भेट्न इच्छुक रहेको स्रोतको भनाई छ । तर, तारतम्य मिलेको थिएन ।
कोटमा ओलीले सुरुमा बालेनको टिमसँग सामूहिक र त्यसपछि बालेनसँग एक्लै कुराकानी गरेको स्रोतले बताएको छ ।
प्रतिक्रिया
सम्बन्धित खवर
