मेलम्ची । मेलम्चीमा आयोजित रक्तदान कार्यक्रममा ७१ जनाले रक्तदान गरेका छन ।

लायन्स क्लब अफ मेलम्चीको आयोजना, मेलम्ची नगर उद्योग बाणिज्य संघ, मेलम्ची ब्याडमिन्टन एकेडेमीको सह आयोजना र मेलम्ची नगरपालिकाको साझेदारी सहयोगमा मेलम्चीमा रक्तदान कार्यक्रम भएको हो । आज भएको रक्तदानमा कर्मचारी, स्थानीय, सुरक्षाकर्मी लगायत गरि ७१ जनाले रक्तदान गरेको लायन्स क्लब अफ मेलम्चीका प्रेसिडेन्ट सुवास बानियाँले जानकारी दिए ।

विहान ८ बजेबाट शुरु भएको रक्तदान कार्यक्रम दिउँसो २ बजेसम्म सञ्चालन भएको थियो । कार्यक्रममा रक्तदाताहरुलाई मेलम्ची नगरपालिकाका नगर प्रमुख आइतमान तामाङ र प्रमुख प्रशासकीय अधिकृत अमृत कुमार धितालले प्रमाणपत्र प्रदान गरेको मेलम्ची नगर उद्योग बाणिज्य संघका महासचिव तारा बानियाँले जानकारी दिए ।

कार्यक्रमको मिडिया पार्टनर रेडियो मेलम्ची र रेडियो मिसन रहेको थियो । कार्यक्रममा मेलम्ची नगरपालिकाका सहायक लेखापाल श्यामशरण थापाले २४ औं पटक रक्तदान गरेका थिए ।