चाैतारा । सिन्धुपाल्चोक जिल्लाको सुनकोशी गाँउ कार्यपालिकाको कार्यालयका धर्ना गरि घेराउ गरिएको छ ।
गाउँपालिकाको कार्यालय सुनखानी हुनुपर्ने माग सहित आन्दोलन गरिरहेका सुनखानीका स्थानियहरुले कार्यालय घेराउ गरेका हुन । माघ २९ गते सुनकोशी गाउँपालिकाको कार्यपालिका बैठक बस्नु अघि संघर्षको पहिलो खुड्किलो भन्दै संघर्ष समिती लगायत सरोकार वालाहरुको उपस्थितिमा गाउँपालिका अध्यक्ष, उपाध्यक्ष, प्रमुख प्रशासकिय अधिकृत तथा सातै वाडका अध्यक्षहरु समक्ष सुनकोशीको सभाहलमै पुगेर सामुहिक ज्ञापनपत्र बुझाइएको थियो ।
सुनकोशी गाउँपालिकाको प्रशासकीय भवन भौगोलिक हिसाबले र आवश्यकताको आधारमा सुनखानी ५ मा बनाउनुपर्ने उनिहरुको माग छ ।
सोमबार ढिलोबाट सुरूभएको कार्यपालिकाको बैठकले सियाले पिपलडाँडा पर्छ भन्ने निर्णय गर्न खोजे पछि उपाध्यक्ष कान्छी लामा, सुनकोशी ५ का वडा अध्यक्ष जल बहादुर लामा, सुनकोशी ४ का वडा अध्यक्ष भोजलाल श्रेष्ठ र एक सदस्यले बैठक बहिस्कार गरि निस्किएको आन्दोलनमा सहभागी कुमार बस्नेतले जानकारी दिए ।
सुनकोशीको बिच भाग नै सुनखानी भएकोले पालिका भवन सुनखानीमै बन्नुपर्ने उपाध्यक्ष लामाको माग छ । सुनखानीमा गाउँपालिका कार्यालय बनाउने निर्णय नगरे कुनै पनि कार्यक्रमहरू गर्न नदिने संघर्ष समितिले जनाएको छ ।
आफ्ना मागहरु शुक्रवार सम्म पनि सम्बोधन नभए सुनकोशी गाउँपालिका भरका सडक, बिद्यालय, सरकारी कार्यालयहरू पनि बन्द गरेर कडा संघर्ष गर्ने समितिले जनाएको छ ।
