सिन्धुकाेट । सिन्धुपाल्चाेककाे मेलम्ची नगरपालिका वडा नम्बर ५ स्थित गोलपुले टोलमा गएराति गएको पहिरोले करिव १० लाख बराबरको क्षति गरेको छ ।
राति करिव १ बजे गएको पहिरोले सुकुमान सार्किको एक वटा लैनो भैसि, गाइको बाछो, सुभान सार्किको एउटा बाख्राको पहिरोमा पुरिएर मृत्यु भएको स्थानियले जानकारी दिए ।
पहिरोले ३ वटा गोठ र २ वटा घरमा क्षति पुगेको वडा अध्यक्ष राजु रायमाझीले बताए । पहिरोमा पुरिएका सामाग्री तथा वस्तुभाउको वडा अध्यक्ष लगायत जनप्रतिनिधि, नेपाल प्रहरी, सशस्त्र प्रहरी लगायत स्थानीयको उपस्थितिमा उद्दार गरिएको छ ।
पहिराे बाट प्रभावितकाे लागि तत्कालै १ सेट सामानकाे व्यवस्था नगरपालिकाले मिलाउने नगरपालिकाका प्रवक्ता समेत रहेका वडा अध्यक्ष रायमाझीले जानकारी दिए । ‘सुरक्षित ठाउँ पाए प्रभावित आफै सुरक्षित ठाउँमा बस्नुहुन्छ, नपाएमा वडा कार्यालय नजिकैकाे भवनमा हामी व्यवस्थापन गर्छाैँ’, रायमाझीले भने ।
पहिराे राेकथामकाे लागि वडा कार्यालयले जनशक्ति व्यवस्थापन गरेकाे बताइएकाे छ । नगरपालिका बाट उपप्रमुखकाे नेतृत्वमा साे पहिराे गएकाे ठाउँमा अनुगमन भएकाे छ । पहिरोको क्षति निरीक्षण पश्चात मेलम्ची नगरपालिकाका उपप्रमुख उमा प्रधानले जोखिममा नबस्न र सचेत हुन समेत आग्रह गरिन । बस्तीको तल माथीनै पहिरो गएकाले झनै जोखिम रहेको स्थानीयले बताएका छन ।
