नवलपुर, सिन्धुपाल्चाेक । सामुदायिक विद्यालयमा विद्यार्थी संख्या घट्दै घट्दै गएकाे इन्द्रावती गाउँपालिकाका अध्यक्ष झम्कनाथ नेपालले बताएका छन ।
श्री नवलपुर माध्यमिक विद्यालयकाे ७५ औँ वार्षिकाेत्सव तथा अभिभावक भेलामा मन्तव्य राख्दै नेपालले भने ‘विद्यालय भवन छ, पढाउने शिक्षक साथीहरू हुनुहुन्छ तर सामुदायिक विद्यालयमा विद्यार्थी संख्या घट्दै घट्दै गएकाे छ’ । ‘बिकास पहाडमा आएकाे छ, बिकास गाउँगाउँमा आएकाे छ तर अभिभावकहरू सहर झरिरहनुभएकाे छ’, उनले थपे ।
इन्द्रावती गाउँपालिकामा आफुले शिक्षालाई पहिलाे प्राथमिकतामा राखेकाे, दाेस्राे प्राथमिकतामा स्वास्थ्य, तेस्राेमा कृषि र चाैथाेमा पशुलाई राखेकाे नेपालले जानकारी दिए । गुणस्तरिय शिक्षा प्राप्त गर्ने हाे भने सामुदायिक विद्यालयमा विद्यार्थीकाे संख्या नघट्ने उनकाे दावि छ । आफु निर्वाचित भएर आएपछि ४७ प्रतिशत बाट ६२ प्रतिशतमा सिकाई उपलब्धि हाँसिल भएकाे उनले दावि गरे ।
नवलपुर माविलाई एक सक्षम र प्रतिस्पर्धी माध्यमिक विद्यालय बनाउनुपर्ने नेपालले बताए । त्यसकाे लागि गाउँपालिकाले गर्नुपर्ने सहयाेग गर्न तयार रहेकाे नेपालले जानकारी दिए । ‘विव्यस, शिक्षक, अभिभावक र विद्यार्थी सबैकाे भुमिकालाई मुखरित बनाउन सकेमा नवलपुर माविलाई सक्षम विद्यालय बनाउन सकिन्छ’, नेपालले भने ।
सामुदायिक विद्यालयमा विद्यार्थी संख्या घट्दै गएकाे बताउने नेपालले नवलपुरमा संस्थागत विद्यालय खाेल्न अनुमती दिइसकेका छन ।
