फागुन ४ गते देखि ७ गते सम्म संचालित बृहत काभ्रेपलाञ्चोक कृषि महोत्सवबाट अर्गानिक प्रमाणित कृषि उत्पादनमा सेरच्यु बरलो साना किसान सहकारी सस्था लिमिटेड पाँचपोखरी थाङपाल गाउँपलिका वडा न. ३ भोताङ उत्कृष्ट भएको छ ।
उत्कृष्ट उक्त संस्थालाई सम्मानित गरिएको पाँचपोखरी थाङपाल गाउँपलिका कृषि शाखाले जानकारी दिएकाे छ । बृहत् काभ्रेपलान्चोक कृषि महोत्सव’मा सिन्धुपाल्चोकको भोताङमा उत्पादन भएका अर्गानिक सामग्री समेत प्रदर्शन गरिएको थियो ।
पाँचपोखरी थाङपाल गाउँपालिकालाई नै अर्गानिक पालिका घोषणा गर्ने योजना अनुसार अहिले भोताङका ४० जना किसानलाई अर्गानिक प्रमाणीकरण चिन्ह प्रदान गरिएको छ । भोताङमा उत्पादन भएका आलु, सिमि, मकै, कोदो लगायतका सामग्री स्टल राखिएको सहकारीका प्रबन्धक हसिना वाइबाले जानकारी दिइन ।
