नवलपुर, सिन्धुपाल्चाेक । इन्द्रावती गाउँपालिकाका शिक्षकहरूले गाउँपालिकालाई ध्यानाकर्षण पत्र बुझाएका छन । आधारभूत तह (कक्षा ८) परिक्षामा परिक्षार्थीहरुलाई सहज र बिभेद रहित किसिमले परिक्षामा सहभागी गराउन गाउँपालिका अध्यक्ष झम्कनाथ नेपाल समक्ष ध्यानाकर्षण पत्र बुझाइएकाे हाे ।
आधारभूत तह उत्तीर्ण परीक्षा (कक्षा-८) मा सहभागी विद्यार्थीहरु लाई सम्बन्धित विद्यालयमा नै परीक्षा केन्द्र कायम गरी परीक्षा दिन पाउनुपर्ने माग सहित गाउँपालिकाका १२ जना शिक्षकहरूले गाउँपालिका अध्यक्ष समक्ष ध्यानाकर्षण पत्र बुझाइएकाे सेतिदेवि माविका प्रधानाध्यापक ताेप प्रसाद नेपालले जानकारी दिए ।
परिक्षामा सहभागी जम्मा बिद्यालय १९ ( आधारभुत ७ र माध्यमिक १२ ) मध्ये १२ बिध्यालयका प्रधानाध्यापक तथा सहायक प्रधानाध्यापकहरु उपस्थित भै पत्र बुझाएका हुन ।
इन्द्रावती गाउँपालिकाद्वारा मिति २०८० चैत्र १ गतेबाट सञ्चालन हुन गइरहेको शैक्षिक सत्र-२०८० को आधारभुत तह उतीर्ण परीक्षा (कक्षा-८) मा सहभागी विद्यार्थीहरूलाई परीक्षा केन्द्रका नाममा अन्यत्र विद्यालयमा परीक्षा दिन पठाउनु उपयुक्त नहुने उनिहरूकाे तर्क छ ।
‘अन्यत्र विद्यालयमा भय, डर र त्रास सहितको वातावरणमा विभेदकारी किसिमले परीक्षा दिनुपर्ने नभई सबै बालबालिकाहरुलाई समान व्यवहार गरियोस भनि श्रीमान् समक्ष यो ध्यानाकर्षण पत्र पेश गर्दछौँ’, ध्यानाकर्षण पत्रमा भनिएकाे छ ।
