मेलम्चीमा १ दिने निशुल्क स्वास्थ्य शिविर सम्पन्न भएको छ । मेलम्ची नगरपालिकाको आयोजना तथा दिर्घायु गुरु अस्पतालको प्राविधिक सहयोगमा भएको शिविरबाट २३१ जनाले सेवा लिएका छन् ।
जसमा महिला १४७ र पुरुष ८४ जना रहेको मेलम्ची नगरपालिकाका जनस्वास्थ्य शाखा प्रमुख अस्मिता भण्डारी सापकोटाले जानकारी दिइन । शिविरबाट ६ जना लाई काठमाडौं लगेर उपचार गर्नुपर्ने विरामी फेला परेको छ । ५ जना स्त्री रोग, १ फोक्सो सम्बन्धी रोग भएको विरामी लाई काठमाडौं लगेर उपचार गर्नुपर्ने देखिएको प्रमुख भण्डारीले जानकारी दिइन ।
शिविरमा भिडियो एक्सरे सेवा,नशा तथा मस्तिष्क रोग सेवा, हाडजोर्नी, सुगर, प्रेसर बाल रोग लगायत विभिन्न रोगको परिक्षण तथा निशुल्क औषधी वितरण गरिएको थियो । शिविरको आज शनिवार बागमती प्रदेशसभा सदस्य कृष्णकुमार तामाङ ( समिर) र नगर प्रमुख आइतमान तामाङको ब्लड प्रेसर र सुगर परिक्षण गरि सुभारम्भ गरिएको दिर्घायु गुरु हस्पिटलका प्रबन्ध निर्देशक बिनोद खड्काले जानकारी दिए ।
