सिन्धुपाल्चाेक । मेलम्ची नगरपालिकाको आयोजना र सामुदायिक सेवा प्रतिष्ठान नेपाल भक्तपुरको प्राबिधिक सहयोगमा भएको निशुल्क महिला स्वास्थ्य शिविरमा ५२० जनाले सेवा लिएका छन् ।

आज मेलम्चीमा भएको शिविरमा २१० आङ खस्ने रोगको समस्या भएको, १४ जनाको रिङपेशरी राखेर उपचार गरिएको, पाठेघरको सल्यक्रिया गर्नुपर्ने २० जना, ३१० जनाको पाठेघरको मुखको जाँच गरिएकोमा १६ जनाको मुखको क्यान्सरको संकाश्पद भेटिएको र १५० जनामा पाठेघरमा संक्रमण भएको पाइएको मेलम्ची नगरपालिकाका जनस्वास्थ्य शाखा प्रमुख अस्मिता भण्डारीले जानकारी दिइन ।

शिविरको मेलम्ची नगरपालिकाका प्रमुख आइतमान तामाङले उद्घाटन गरेका थिए । शिविरमा पाठेघरको मुखको क्यान्सर, आङ खस्ने समस्याको उपचार, रिङ्पेशरिको परामर्श र अप्रेशन सुविधा, स्त्रीरोग सम्बन्धी परिक्षण, पाठेघरको मुखको मयलको परिक्षण र परामर्श, निशुल्क पाठेघरको अप्रेशन सेवा प्रदान गरिएको थियो ।