सिन्धुपाल्चाेक । मेलम्चीमा दुई दिने तनाव व्यवस्थापन तालिम सुरु भएको छ । श्री  इन्द्रावती महिला  बचत तथा ऋण सहकारी संस्था लिमिटेड को आयोजनामा मेलम्ची नगरपालिकाको सहयोगमा तनाव वयवस्थापन सम्बन्धी दुई दिने तालिम आज  मेलम्चीमा सुरु भएको हो ।

मेलम्ची नगरपालिकाका नगर प्रमुख आइतमान तामाङको प्रमुख आतिथ्य र उप प्रमुख उमा प्रधानको विशेष आतिथ्य  मा सुरु भएको हो । तालिमको उद्घाटन सत्रमा बोल्दै नगर प्रमुख आइतमान तामाङले दुई दिने तनाव व्यवस्थापन तालिममा तालिम प्रशिक्षकले  सहभागीहरुलाई तनाव मुक्त हुन सिकाउने विस्वास लिए ।

त्यसैगरि नगर उप प्रमुख उमा प्रधानले हामीलाई सानो सानो कुराले तनाव दिने र आज भोलि तनाव शब्द सामान्य भएता पनि यसले जटिलता पैदा गरिरहेको बताइन । सहभागी सबैलाई सकारात्मक भै तनाव मुक्त गर्न उनले सुझाव दिइन ।

सहकारीकि अध्यक्ष कल्पना चालिसेको सभाध्यक्षमा सुरु भएको तालिममा मेलम्ची नगरपालिकाका प्रमुख प्रशासकीय अधिकृत अशोक कुमार भट्टराई, महिला बालबालिका तथा समाबेशीकरण शाखा प्रमुख राजेन्द्र दुलाल, वडा सदस्य प्रतिमा धिताल,  नगर जेस्ठ नागरिक सन्जाल अध्यक्ष एकादत्त धिताल उपस्थित थिए । दुई  दिने कार्यक्रममा उक्त सहकारीका सदस्य लगायत मेलम्ची नगरपालिका वडा नं ११ का महिलाहरु सहभागी छन् ।