हरिकुमार शर्मा, पूर्वशिक्षक, हेलम्बु गाउँपालिका
म ०२३ सालबाट शिक्षण पेसामा लागेको हुँ । पढाउन थालेदेखि नै मेलम्चीको पानी काठमाडौं लग्ने चर्चा सुन्थें । ०६५ सालमा अवकाश लिएँ, तर अहिलेसम्म मेलम्चीको पानी सहजै काठमाडौं पुग्न सकेको छैन ।
यत्रो समय लगाएर बनाएको आयोजनाका भौतिक संरचना अहिले बाढीले पुरेको छ, मुहानसम्म आवजावत गर्ने बाटो सधैं बन्द हुन्छ । जो खानेपानीमन्त्री बन्छ, उसको पहिलो भ्रमण नै मेलम्ची हुने गरेको छ ।
मुहानमा आएर मेलम्ची आयोजना छिटो पूरा हुन्छ भनेर आश्वासन दिन छाड्दैनन् । अहिलेसम्म कैयौं मन्त्री र सचिव फरिए तर मेलम्चीको हालत हिजो जस्तै छ । यसो हुनुमा सरकारको गैरजिम्मेवारपन नै हो । कस्ता–कस्ता विकट गाउँबस्तीबाट खानेपानी सहजै सहर ल्याइन्छ, त्यो हेरी यो धेरै सुगम ठाउँ हो । तर पनि काठमाडौंमा पानी लग्न हम्मे परेको देख्दा अचम्म लागेको छ ।
प्रतिक्रिया
सम्बन्धित खवर
