ज्यामिरे, सिन्धुपाल्चाेक । मेलम्ची नगरपालिकाका प्रमुख आइतमान तामाङले नगरपालिकाले विद्यार्थीकाे लागि नृत्य तथा विभिन्न खेल प्रशिक्षक नियुक्तिकाे तयारी गरिरहेकाे बताएका छन ।

श्री सातकन्या माविकाे ५१ औं बार्षिकाेत्सव तथा अभिभावक दिवस लाई सम्बाेधन गर्दै प्रमुख तामाङले विद्यार्थीहरूलाई अतिरिक्त क्रियाकलापमा अब्बल बनाउन नगरपालिकाले याेजना बनाइरहेकाे जानकारी दिए ।

पालिकाले कक्षा १० सम्म दिवा खाजा दिईरहेकाे र १२ कक्षा सम्म नै दिने तयारी गरीरहेकाे समेत उनले बताए । गुणस्तरीय शिक्षा प्रदान गर्नका लागि धेरै कामहरू बाँकि रहेकाले विद्यालय, विव्यास, अभिभावक र विद्यार्थी सबैकाे भूमिका बराबर रहने तामाङकाे भनाई छ ।

‘बालमैत्री वडा बनाउनकाे लागि आवश्यक बजेट व्यावस्थापन गरि काम भईरहेकाे छ’, तामाङले भने । साथै प्राविधिक शिक्षा अध्ययन गरिरहेका विद्यार्थीहरूलाई छात्रबृत्ति प्रदान गरिरहेकाे पनि उनले जानकारी दिए ।

प्रविधिमैत्री विद्यालय बनाउन सिसि क्यामेरा तथा ई हाजिरीकाे काम भईरहेकाे र अघिल्लो बर्ष सञ्चालन गरेकाे लाेकसेवा तयारी कक्षालाई यस बर्ष पनि निरन्तरता दिने नगर प्रमुख तामाङकाे भनाई छ ।