मेलम्ची । मेलम्ची नगरपालिकाकी उपप्रमुख उमा प्रधानले मेलम्ची नगरपालिकाले सिप सिकेर ब्याबसायीक रूपमा उत्पादन गरेकाहरुलाई सहयोग गर्ने बताएकि छन ।

बजार सम्बन्ध विस्तार तथा सामग्रीहरु प्रदर्शन कार्यक्रममा मन्तब्य राख्दै उपप्रमुख प्रधानले सिप मात्र सिक्ने नभइ सीप सिकिसकेपछि निरन्तरता दिदैं व्यवसायिक बन्न आग्रह गरिन । नगरपालिकाले पनि विभिन्न सिप मुलक तालिम दिंदै आएको र अन्य सघंसंस्थासँग समन्वय गरेर पनि नागरिकहरुलाई आयआर्जनमा जोड्नका लागि काम गरिरहेको बताइन ।

कार्यक्रममा नगरपालिकाका प्रशासकीय अधिकृत झपेन्द्र खरेलले आफ्नो सामानको प्रचार गरे मात्र बजार बढ्ने बताए । उत्पादन निरन्तर गर्न सुझाउँदै खेर गएको समय उत्पादनमा लगाउनु उनले आग्रह गरे । त्यस्तै नगर उद्योग वाणिज्य सघंका अध्यक्ष पुष्कर प्रसाद धितालले निरन्तर उत्पादनमा लाग्न आग्रह गर्दै ब्यापारीलाई स्थानिय उत्पादन किनिदिन आग्रह गरे ।

कार्यक्रममा रिड नेपाल संस्था तथा नगरपालिका बाट विभिन्न सिपमुलक तालिममा सहभागी भइ उत्पादन गरिरहेका माझी र दनुवार समुदायका उद्यमीहरुले तालिम फलदायी भएकोमा खुशी व्यक्त गरे । कार्यक्रममा मेलम्ची १२ गिरान्चौरकि ढाकाको सामाग्री उत्पादन गर्दै आएकि सञ्चमाया तामाङले आफ्नो अनुभव सुनाएकि थिइन ।