मेलम्ची, सिन्धुपाल्चाेक । हुतराज अर्धचन्द्र पाण्डे स्मृति पत्रकारिता पुरस्कारबाट २ जना पत्रकार सम्मानित भएका छन ।

हिमालय टेलिभिजनमा आवद्ध सागर खड्का र गोरखापत्रकर्मी चित्र मिजारलाई हुतराज अर्धचन्द्र पाण्डे स्मृति पत्रकारिता पुरस्कार प्रदान गरिएको हो । आज इन्द्रेस्वरी माध्यमिक विद्यालयमा आयोजित स्वर्ण महोत्सवमा उनिहरुलाई सम्मान गरिएको संस्थाका सचिव शुदर्शन पाण्डेले जानकारी दिए ।

प्रत्येक वर्ष दिँदै आएको यो पुरस्कार जिल्लाका दुई पत्रकारले पाएका हुन् । इन्द्रेश्वरी मावि मेलम्चीको ५० औं वार्षिकोत्सवको अवसरमा खड्का र मिजारलाई पुरस्कार स्वरुप ५ हजार १ सय रुपैयाँसहित सम्मान गरिएको हो ।

हुतराज अर्धचन्द्र जनहितकारी संस्थाबाट दिवंगत हुतराज अर्धचन्द्र स्मृति छात्रवृति, उक्त संस्थाबाट दिवंगत माताद्वय महालक्ष्मी र युक्तकुमारी स्मृति छात्रवृत्ति, दिवंगत सत्यचन्द्र विष्णु लक्ष्मी स्मृत्ति छात्रवृत्ति र योगराज स्मृति छात्रवृत्ति प्रदान गर्दै आइरहेको छ ।