सिन्धुपाल्चाेक । मेलम्ची नगरपालिका वडा नं ४ पिप्ले स्थित मंगोल पशुपालन तथा कृषि फर्ममा आगलागी भएकाे छ । आगलागी बाट लाखाैँकाे क्षति भएकाे छ ।

मेलम्ची ४ का विशाल तामाङकाे फर्ममा आगलागी भएकाे हाे । रातकाे अन्दाजी २ बजे आगलागीकाे घटना भएकाे इलाका प्रहरी कार्यालय मेलम्चीका प्रहरी निरिक्षक राजेन्द्र थापामगरले जानकारी दिए ।

२ तल्ले काठ र जस्ताकाे फर्ममा आगलागी हुँदा त्यहाँ रहेकाे एउटा भैंसी मरेकाे छ । २ भैंसी र १ पाडा गम्भीर घाइते भएकाे प्रहरीकाे भनाई छ ।

‘राति २ बजे तिर व्यापक आगलागी भइ धनमाल र पशु चौपाया लगायत पुर्ण क्षती भएकाे छ’, स्थानिय सिर्जना घिमिरेले भनिन । स्थानीय, मध्यपहाडी लोकमार्गका कर्मचारी र APF को सहयोगमा आगलागी नियन्त्रण गरि मानविय तथा थप क्षती हुन बाट जोगिएको स्थानियले बताएका छन ।

करेन्ट सर्ट भइ आगलागी भएकाे प्रहरीकाे अनुमान छ । आगलागी बाट भएकाे क्षतिकाे यकिन विवरण संकलन गर्ने क्रम जारी रहेकाे प्रहरीकाे भनाई छ ।