मेलम्ची । टुकिसंघ सुनकाेशीले मेलम्ची नगरपालिकालाई १ लाख १८ हजार बराबरकाे सामाग्री प्रदान गरेकाे छ ।
आज एक कार्यक्रमका बिच टुकी संघ सुनकाेशी र ह्यान्डीक्याप इन्टरनेशनल बाट अपाङ्गता भएका महिला बालबालिका तथा संकटासन्न ब्यक्तिहरूकाे स्वास्थ्य पुनर्स्थापना, आर्थिक तथा सामाजिक समावेशीता सेवामा पहुँच बृद्वि परियाेजना अन्तर्गत अपाङ्गता भएका ब्यक्तिहरूकाे तथ्याङ्क ब्यबस्थापन तथा परिचयपत्र सहज तरिकाले उपलब्ध गराउन डेक्सटप कम्प्युटर १ सेट, कलर प्रिन्टर १ सेट, युपियस १ सेट, हार्ड डिस्क १ सेट प्रदान गरेकाे हाे ।
सुचना प्रविधि सहयाेग कार्यक्रम अन्तर्गत मेलम्ची नगरपालिकाकाे स्थानिय अपाङ्गता समन्वय समिति र महिला बालबालिका तथा समावेशीकरण शाखालाई उक्त सहयाेग गरेकाे परियाेजना सल्लाहकार महेन्द्र कार्कीले जानकारी दिए ।
परियाेजना सल्लाहकार महेन्द्र कार्कीले मेलम्ची नगरपालिकाका प्रमुख आइतमान तामाङ र उपप्रमुख उमा प्रदान लाई साे सामाग्री हस्तान्तरण गरेका हुन । साे सामाग्रीले अपाङ्ग परिचयपत्र तथा ज्येष्ठ नागरिक परिचयपत्र प्रिन्ट गर्न सहज हुने महिला बालबालिका तथा समावेशीकरण शाखा प्रमुख राजेन्द्र दुलालले जानकारी दिए ।
प्रतिक्रिया
सम्बन्धित खवर
