नवलपुर, सिन्धुपाल्चाेक । इन्द्रावती गाउँपालिका १० स्थित श्री अक्षयश्वर महादेव मन्दिरमा आयोजित विराट महायज्ञ अन्तर्गत ५४ औं श्रृङ्खला श्रीमद भागवत सप्ताह ज्ञान महायज्ञ सम्पन्न भएको छ ।

विराट ज्ञान महायज्ञ १०८ अन्तर्गत यस महायज्ञमा पण्डितद्वय शिव प्रसाद सापकोटा र विष्णुप्रसाद तिमल्सिनाको मुखारवृन्दबाट भागवत पाठ पारायण र कथा विस्तार भएको थियो । भक्तजनहरूले दिवंगत पितृहरूको उद्दार र मोक्षको कामना सहित दान/भेटी समेत प्राप्त भएको छ । दान/भेटी बापत ३६ लाख रुपैंया संकलन भएको छ ।

महायज्ञमा इन्द्रावती गाँउपालिकाको तर्फवाट ५ लाख २५ हजार सहयोग गरेको छ । व्यक्तिगत तर्फ सर्वाधिक दान राशी इन्द्रवती १० का समाजसेवी एवं राप्रपा नेता दईन्द्र बहादुर ठकुरीले १ लाख ६१ हजार दान गरेका थिए । १ लाख बढी दान गर्ने ५ जना रहेका छन । करीब ५०० जना दानविर हरुवाट नगद दान भएकोमा ३०० भन्दा बढीले ३ हजारभन्दा माथी दान गरेका हुन ।

विहिवार समापन कार्यक्रमको अवसरमा इन्द्रावती गाउँपालिकाका अध्यक्ष झम्कनाथ नेपालको प्रमुख आतिथ्यता रहेको थियो । कार्यक्रममा विषेश अतिथि दईन्द्र बहादुर ठकुर रहेका थिए भने ऋषिराम भट्टराईको अध्यक्षतामा कार्यक्रम सम्पन्न भएको हो ।

इन्द्रावती १० बाट बसाई सरी हेटौडा, काठमाण्डौ लगायतका जिल्लामा गएका ब्यक्तिहरू समेत महायज्ञमा सहभागी भएको वडा अध्यक्ष रामचन्द्र घिमिरेले जानकारी दिए ।