बाजुराको बडिमालिका नगरपालिका वडा नं ७ मा आफ्ना छोराछोरी सामुदायिक विद्यालयमा पढाउने शिक्षक र कर्मचारीलाई सम्मान गरिएको छ ।
आफ्ना छोराछोरी सामुदायिक विद्यालय पढाउने शिक्षक तथा विद्यालय कर्मचारीलाई एक समारोहकाबीच नगरपालिकाले सम्मान गरेको हो । आफूले पढाउने विद्यालयमा आफ्ना छोराछोरी पढाए बापत शिक्षक र कर्मचारीलाई सम्मान गरिएको वडा अध्यक्ष धर्मराज पाध्यायले बताए ।
बडिमालिका नगरपालिका वडा नं. ७ को आयोजनमा एक औपचारिक कार्यक्रमकाबीच शिक्षक र विद्यालय कर्मचारीलाई सम्मान गरिएको हाे । सम्मानित हुनेमा सरस्वती आधारभूत विद्यालय बडिमालिका –७ ढम्कनेका नि.मा.वि. शिक्षक बल बहादुर रोकाया, सरस्वती आधारभूत विद्यालय बडिमालिका–७ ढम्कनेका कम्प्युटर शिक्षक लालकेश रोकाया, सरस्वती आधारभूत विद्यालय बडिमालिका–७ ढम्कनेका विद्यालय परिचर टेक बहादुर रोकाया रहेका छन् ।
त्यसैगरी ज्ञानोदय माद्यामिक विद्यालय बडिमालिका–७ रजातोलीका प्रधानाध्यापक विजयराम पाध्याय, इसिडि स.का. दुर्गा कुमारी पाध्या(पाण्डे), लेखापाल देवराज पाध्यायलाई सम्मान गरिएको छ । लक्ष्मी माद्यामिक विद्यालय ब.न.पा.७ जिल्लीका लेखापाल रण बहादुर वि.क., शिक्षक प्रेमलाल पाध्यायलाई सम्मान गरएको छ । शिक्षक तथा विद्यालय कर्मचारीलाई प्रमाण पत्रसहित सम्मान गरिएको हाे ।
