सिन्धुपाल्चाेक । ईन्द्रावती गाउँपालिका वडा नं २ काे स्वास्थ्यचाैकीकाे भवन शिलान्यास भएकाे छ । नेपाल सरकारका पुर्व स्वास्थ्य तथा जनसंख्या मन्त्री माेहन बहादुर बस्नेतले भवनकाे शिलान्यास गरेका हुन ।
३८ लाख ८६ हजार मा बन्न लागेकाे साे भवन ३ काेठा र एक हल सहित पार्किङकाे राम्राे व्यबस्था हुने बताइएकाे छ । असार २१ गते सम्म बनिसक्ने साे भवनकाे उपभाेक्ता समिति मार्फत काम हुन लागेकाे हाे ।
साे स्वास्थ्य चाैकी वडा नं २ काे केन्द्र भागमा बन्न लागेकाे र यसबाट वडाबासीलाई धेरैनै राहत हुने वडा अध्यक्ष श्याम बहादुर गिरिले जानकारी दिए । ‘स्वास्थ्य चाैकी सेन्टरमा छ, सडककै छेउमा छ, बाटाे पिच भएपछि चाैतारा चाँडाे पुगिन्छ’, उनले भने ।
स्तरउन्नती गर्दै जाँदा २४ सै घण्टा चल्ने स्वास्थ्य चाैकी बनाउने आफ्नाे लक्ष्य रहेकाे उनले बताए । पुर्व स्वास्थ्य मन्त्री माेहन बहादुर बस्नेतकाे पहलमा बजेट बिनियाेजन भएकाे गिरिले जानकारी दिए ।
शिलान्यास कार्यक्रममा प्रमुख अतिथि माेहन बहादुर बस्नेतले एकै बर्षमा सिन्धुपाल्चाेकमा ३९ वटा स्वास्थ्य चाैकी भवनकाे लागि आफु मन्त्री हुँदा बजेट बिनियाेजन गरेकाे बताए । ‘याे नेपालकै ईतिहास हाे’, उनले भने । याे भवन चाँडै बनिसक्ने बस्नेतले बिस्वास ब्यक्त गरे ।
शिलान्यास कार्यक्रममा प्रदेश सांसद कृष्ण कुमार तामाङ, इन्द्रावती गाउँपालिकाका पुर्व अध्यक्ष वंशलाल तामाङ, शैक्षिक अभियन्ता माेहन गिरि लगायतकाे उपस्थिति रहेकाे थियाे । कार्यक्रमकाे सञ्चालन समाजसेवी तथा नेपाली कांग्रेसका नेता शिव सुनारले गरेका थिए ।
