नवलपुर । इन्द्रावती गाउँपालिका वडा नं ४ स्थित नवलपुर माध्यमिक विद्यालयका शिक्षक तथा कर्मचारीहरूले टाकुरे आगलागी पिडितलाई आर्थिक सहयाेग दिएका छन ।
शाेमवार टाकुरे आगलागी पिडित श्री टाकुरे आ. वि. का प्रधानाध्यापक सावित्री गजुरेललाई नवलपुर माविका शिक्षक, कर्मचारीहरू बाट संकलित रकम हस्तान्तरण गरिएकाे हाे । ‘माघ १९ गते उहाँको घर र कुखुरा फर्ममा भएको आगलागि बाट पुग्न गएकाे क्षति प्रति दु:ख व्यक्त गर्दै आर्थिक सहयोग हस्तान्तरण गरेका छाैँ’, नवलपुर माविका प्रधानाध्यापक धर्मकुमार खाेखालीले भने ।
नवलपुर मावि परिवारकाे तर्फबाट संकलित २१ हजार ६ सर ५ रूपैयाँ पिडितलाई दिइएकाे छ । १६ जना शिक्षक- कर्मचारी हरूबाट साे रकम संकलन गरिएकाे हाे । विद्यालयले यस अघि नै ४ हजार सहयोग गरिसकेको जानकारी दिइएको छ ।
शुक्रवार बिहान अन्दाजि ५ बजे इन्द्रावती ४ का रामकृष्ण गजुरेलकाे घरसंगै रहेकाे कुखुराकाे टहराेबाट आगाे लागेकाे र टहरा सहित घर जलेर नश्ट भएकाे थियाे । आगलागीका कारण अनुमानीत ३५ लाख बराबरकाे क्षति भएकाे थियाे ।
