सिन्धुपाल्चाेक । हेलम्बु गाउँपालिका वडा नं ३ का वडा अध्यक्ष दिपक खड्काले सरकारी माेटरसाइकल फिर्ता गर्ने निर्णय गरेका छन । जनप्रतिनिधि भए पश्चात उपभोग गर्दै आएको सरकारी मोटरसाईकल उनले मंगलवार देखि गाउँपालिकालाई फिर्ता दिने निर्णय गरेका हुन ।

‘मैले जनप्रतिनिधि भए पश्चात उपभोग गर्दै आएको सरकारी मोटरसाईकल आजको मितिमा गाउँपालिका फिर्ता गर्ने निर्णय गरेको छु’, सामाजिक सञ्जाल फेसबुक मार्फत एक विज्ञप्ति जारी गर्दै उनले भने ।

‘परिवर्तन र सुशासन आफैबाट सुरु गर्नु पर्छ भन्ने मान्यतालाई आत्मसात गर्दै विगतमा लिँदै आएको मोटर साईकल सुविधा फिर्ता गरि खर्चमा मितव्यीता कायम गरि आर्थिक अनुशासन कायम गर्न सघाउ पुग्छ भन्ने विश्वास गरेको छु’, खड्काले भने ।

गाउँपालिकाको मर्मत, ईन्धन लगायत शिर्षकमा वढ्दो खर्चको कारणले यो निर्णय लिएको उनले बताएका छन ।