मेलम्ची, सिन्धुपाल्चाेक । अंग्रेजी माध्यममा पठनपाठन नगराए विद्यालयलाई मेलम्ची नगरपालिकाले दिने अनुदान कटाैती गर्ने मेलम्ची नगरपालिकाका प्रमुख आइतमान तामाङले बताएका छन ।

संस्थागत विद्यालय सरह अंग्रेजी माध्यममा पठनपाठन गराउन मेलम्ची नगरपालिकाले जनता मावि, सातकन्या मावि, तेर्से मावि, रक्तकालि आवि लगायत अन्य विद्यालयमा सुरूवात गरिसकेकाे प्रमुख तामाङले जानकारी दिए ।

मेलम्ची नगरपालिका वडा नं ११ द्वारा आयाेजित सार्वजनिक सुनुवाई कार्यक्रमलाई सम्बाेधन गर्दै प्रमुख तामाङले इन्द्रेश्वरी माविलाई अंग्रेजी माध्यममा पठनपाठन काे शुरूवात गर्न निर्देशन दिए । मेलम्ची नगरपालिकाकाे मेलम्ची शिक्षामा प्रथम हुनुपर्ने धारणा राख्दै तामाङले नेपाली बाहेकका अन्य विषय अंग्रेजी माध्यम बाट पढाउन शुरू गर्न इन्द्रेश्वरी माविका प्रधानाध्यापक देवि श्रेष्ठलाई निर्देशन दिएका हुन ।

अंग्रेजी माध्यममा पठनपाठन नगरे नगरपालिकाले दिने अनुदानमा कटाैती गर्ने भन्दै संस्थागत विद्यालय संग प्रतिस्पर्धा गरेर सरकारी विद्यालयले गुणस्तरिय शिक्षा आर्जन गर्नुपर्ने धारणा राखे ।

तेर्से माविकाे उदाहरण दिँदै प्रमुख तामाङले भने ‘सरकारी विद्यालय संस्थागत विद्यालय भन्दा कमजाेर छैनन्’ ।