सिन्धुपाल्चोकको मेलम्ची नगरपालिका-६ तालामाराङमा एक महिलाको शव फेला परेको छ ।
बिहीवार बिहान अन्दाजी २२ वर्षीय निशाकुमारी तामाङको शव फेला परेको ईलाका प्रहरी कार्यालय मेलम्चीका प्रहरी प्रमुख, प्रहरी निरीक्षक भगवती तिमिल्सेना जानकारी दिइन ।
हेलम्बु गाउँपालिका-५ की तामाङको मानसिक सन्तुलन ठिक नभएको प्रहरीको प्रारम्भिक अनुसन्धानले बताएको छ ।
परिवारसंग बुधबार काठमाडौँ जान्छु भनेर हिडेकी उनी हेलम्बु गाउँपालिका-२ चिउरीखर्कस्थित खोला तर्दै गरेको अवस्थामा स्थानीयले देखेका थिए ।
लामो समयपछि पनि नफर्किएपछि स्थानीयले प्रहरीलाई खबर गरेका थिए । यस विषयमा थप अनुसन्धान भइरहेको इलाका प्रहरी कार्यलय मेलम्चीले जनाएको छ । शव पोस्टमार्टमका लागि काठमाडौ पठाउन लागिएको तिमिल्सेनाले बताइन ।
