मेलम्ची । छिमेकी पालिकाहरु बीचको समन्वयलाई मजबुद बनाउन मेलम्ची नगरपालिकामा बैठक बसेकाे छ ।

विपद जोखिम न्यूनीकरण तथा व्यवस्थापनमा छिमेकी पालिकाहरु बीचको समन्वयलाई मजबुद बनाउनका लागि मेलम्ची नगरपालिकामा अन्तरपालिका स्तरिय बैठक बसेकाे हाे ।

मेलम्ची नगरपालिकाकाे आयाेजनामा मेलम्ची नगरपालिका, हेलम्बु गाउँपालिका, पाँचपोखरी थाङपाल गाउँपालिका र ईन्द्रावती गाउँपालिका बिच अन्तरपालिका स्तरिय समन्वय बैठक गरिएको मेलम्ची नगरपालिकाले जनाएकाे छ ।

“स्थानीय स्रोत र प्रविधिको समेत प्रयोग गरौं, भूकम्प थेग्ने संरचना बनाऔं ” भन्ने मुल नाराका साथ २६ औं भूकम्प सुरक्षा दिवसको उपलक्ष्यमा देशभर विभिन्न कार्यक्रम गरि मनाइएको छ । यसै सन्दर्भमा मंगलबार मेलम्चीमा बैठक बसेकाे हाे ।

विपदकाे समयमा एक आपसमा कसरी सहकार्य गर्न सकिन्छ भनेर बैठकमा छलफल भएकाे मेलम्ची नगरपालिकाका प्रेस सल्लाहकार युवराज पुरीले जानकारी दिए ।