मेलम्ची ९, सिन्धुपाल्चाेक । जुगल बचत तथा ऋण सहकारी संस्थाले मेलम्ची नगरपालिका वडा नम्बर ९ स्थित पर्यटकिय स्थल गुफाँडाडामा वनभोज कार्यक्रम गरेकाे छ ।

सहकारीलाई थप चलयामान बनाइ राख्न र शेयर सदस्यहरुलाई मनोरञ्जन प्रदान गर्नका लागी वनभोज कार्यक्रम आयोजना गरिएको सहकारीका अध्यक्ष निरन श्रेष्ठले जानकारी दिए ।

मेलम्ची नगरपालिका वडा नम्बर ११ मा कार्यालय रहेको सहकारीले बजारका ब्यापारी तथा व्यवसायीहरुलाई मनोरञ्जन प्रदान गर्ने र सहकारीमा आवद्ध हुन चाहने ब्यक्तिहरुलाई समेत एकताबद्ध बनाउँदै अगाडी बढ्ने संस्थाकाे उद्देश्य रहेकाे श्रेष्ठले बताए । व्यवसायमा छरिएर रहेको पूँजीलाई एकत्रीत गरी संस्थाका सदस्यहरुको सामाजिक, आर्थिक र व्यवसायीक उन्नतीमा संस्था सँधै लागिरहने श्रेष्ठले प्रतिबद्धता जनाए ।

ब्यापारी तथा व्यवसायीहरुको बीचमा एक आपसमा सहयोग, सद्भाव कायम रहोस् र व्यवसाय संचालन गर्न सहकारीको माध्यमबाट सहज होस् भन्ने उद्देश्य सहकारीकाे रहेकाे सहकारीका संस्थापक जनकलाल श्रेष्ठले बताए ।

बनभोज कार्यक्रमले सहकारीका सदस्य–सदस्य बीच जमघट हुने र सद्भाव कायम गर्ने अवसर सहकारीले जनाएको छ ।