दुवाचाैर । मेलम्ची नगरपालिका वडा नं ७ स्थित जुनतारा बहुआयामिक सामुदायिक भवनकाे मेलम्ची नगरपालिकाका प्रमुख आइतमान तामाङले शिलान्यास गरेका छन ।

मेलम्ची ७ सेल्लेकाे मिजार टाेलमा बन्न लागेकाे सामुदायिक भवनकाे आइतवार शिलान्यास गरिएकाे हाे । भवन श्रमदान सहित ३९ लाखमा बन्न लागेकाे हाे । श्रमदान ३ लाख र नगरपालिकाकाे ३६ लाखमा भवन बन्ने प्रमुख तामाङले जानकारी दिए ।

यो बर्ष ३९ लाखको काम हुने बताउँदै आगामी बर्षहरुमा अपुग बजेट थप्ने नगर प्रमुख तामाङले प्रतिबद्धता व्यक्त गरे । समितिका अध्यक्षको आग्रहमा आवश्यकता अनुसार सामुदायिक भवन निर्माणमा सहयोग गरेको उनले जानकारी दिए । नगर प्रमुख तामाङले नगरपालिकाको सबै वडामा बहुआयामिक भवन बनाउने लक्ष्य अनुसार गत बर्ष ३ वटा र यो बर्ष २ वटा भवन बनाउने जानकारी दिए ।

नगर प्रमुख तामाङले जग्गा दाताहरुलाई धन्यवाद व्यक्त गर्दै सम्मान गर्नुपर्ने बताए । बहुआयामिक भवन १३ वटै वडामा बनाउने लक्ष्य नगरपालिकाकाे रहेकाे छ । भवन अपाङ्गमैत्री, बाल मैत्री र जेष्ठ नागरिककाे लागि सहज हुने छ ।

समितिका अध्यक्ष वीर बहादुर तामाङले यस भवन बाट ४६ घर धुरी लाभान्वित हुने बताए । भवन बनिसकेपछी सामाजिक कार्यहरू गर्न सहज हुने तामाङले जानकारी दिए ।

कार्यक्रममा वडा अध्यक्ष पासाङ तामाङ, नेपाली कांग्रेसका नेता ज्यान बहादुर तामाङ, नेपाली कांग्रेस वडा सभापती दिप तामाङ, समाजसेवी गणेश तामाङ, नगर प्रमुखका प्रेस सल्लाहकार युवराज पुरी, पत्रकार, स्थानिय लगायतकाे उपस्थिति रहेकाे थियाे ।