भिमटार । सिन्धुपाल्चाेककाे इन्द्रावती गाउँपालिका वडा नम्बर १२ ले किसानलाई ३५ वटा पाडी वितरण गरेको छ । ५० प्रतिशत अनुदानमा ३५ किसानलाई वडा अध्यक्ष सुरेन्द्र बहादुर दनुवारले पाडि हस्तान्तरण गरेका हुन ।

किसानलाई आत्मनिर्भर र व्यवसायी बनाउने उद्देश्यले पाडि वितरण गरेको अध्यक्ष दनुवारले बताए । वडाको ७ लाख बजेटले ५० प्रतिशत अनुदानमा पाडि वितरण गरेको अध्यक्ष दनुवारकाे भनाई छ ।

हाललाई ३५ जनालाई मात्रै पाडि वितरण गरेको बताउँदै दोस्रो चरणमा प्रदेश सरकारबाट विनियोजित २० लाखको अनुदान कार्यक्रम गरिने अध्यक्ष दनुवारले जानकारी दिए ।