नवलपुर, सिन्धुपाल्चाेक । इन्द्रावती गाउँपालिकाकाे सबैतिरबाट बाटाे पक्की हुने कामकाे सुरूवात भएकाे बागमती प्रदेशका भाैतिक पुर्वाधार बिकास मन्त्री युवराज दुलालले बताएका छन । मेलम्ची – चाैतारा सबैतिर बाट सडकहरू पक्की हुने काम भइरहेकाे उनले बताए ।
श्री नवलपुर माध्यमिक विद्यालयकाे ७५ औँ वार्षिकाेत्सव तथा अभिभावक भेलालाई सम्बाेधन गर्दै दुलालले सबैकाे साथ सहयाेग र हाैसलाले काम गर्ने प्रेरणा मिलेकाे बताएका छन । ‘इन्द्रावतीमा सबै बाटाे पक्की गर्ने काम भइरहेकाे छ, केही बर्षभित्रमा बागमती प्रदेशकै पहाडी जिल्लाहरूमा याे निर्वाचन क्षेत्र प्रदेशकै बिकासकाे नमुना हुँदैछ’, दुलालले भने ।
सिंगाे प्रदेशलाई पक्कि सडककाे नेटवर्किङमा कसरी जाेड्ने भनेर याेजनावद्व काम गरिरहेकाे दुलालकाे भनाई छ । ‘इन्द्रावतीकाे सर्वाङ्गिण बिकासकाे लागि म सहयाेग गर्न तयार छु’, दुलालले भने ‘राजनीति भन्दा माथी उठेर हामीले साेच्न आवस्यक छ’ ।
ढुंगामा शिक्षा लिएकाहरूकाे लडाइले नेपालकाे शिक्षा प्रणाली याे अवस्थामा आएकाले शिक्षा दिने शिक्षकलाई सम्मान गर्नुपर्ने धारणा दुलालले राखे । सबै अभिभावक, विद्यार्थी मिलेमा शैक्षिक गुणस्तर राम्राे हुने दुलालकाे बुझाई छ । नवलपुर माविकाे लागि आवस्यक सहयाेग गर्न आफु तयार रहेकाे दुलालले बताएका छन ।
