नवलपुर, सिन्धुपाल्चाेक । इन्द्रावती गाउँपालिका वडा नं ४ ले बिकास निर्माणकाे काम गर्दा कुनै नातागाेता नहेरी सबै नागरिककाे सल्लाह सुझाव लिएर काम गर्ने वडा अध्यक्ष क्षेत्र बहादुर तामाङले बताएका छन ।

इन्द्रावती ४ द्वारा आयाेजित सार्वजनिक सुनुवाई कार्यक्रममा सहभागी नागरिककाे प्रस्नहरूकाे जवाफ दिने क्रममा तामाङले कुनै व्यक्ति विशेष नहेरी आवस्यकताकाे आधारमा बजेट विनियाेजन गर्ने प्रतिवद्वता व्यक्त गरे । याेजनाहरूकाे कार्य सम्पादन गर्नेमा वडा नं ४ गाउँपालिकाकाे १२ वटा वडा मध्ये अग्र स्थानमा रहेकाे बताउँदै आगामी दिनमा जनतासंग जनप्रतिनिधि कार्यक्रम गर्ने उनले जानकारी दिए ।

आगामी बर्षकाे बजेट विनियाेजन गर्दा भाैतिक पुर्वाधार मात्र नभई राेजगार संग सम्बन्धित काम गर्नेगरी बजेट विनियाेजन गर्ने अध्यक्ष तामाङकाे भनाई छ । टुक्रे बजेटहरू लाई निरूत्साहित गर्दै नागरिक स्तरबाट आएका मागहरू सम्बाेधन गर्दै जाने उनले बताए ।

सामुदायिक विद्यालयहरू सिस्टममा चल्न नसकेकाे बताउँदै तामाङले अब प्राविधिक शिक्षालाई प्राथमिकता दिनुपर्ने धारणा राखे । सामुदायिक बनहरूकाे अतिक्रमण भएकाे भन्ने प्रस्नकाे जवाफ दिँदै तामाङले भने ‘सामुदायिक बनहरूकाे सिमाङ्कन गरि यकिन गर्न आवस्यक छ, त्यसमा वडाले समन्वय गर्न तयार छ’ ।

सार्वजनिक सुनुवाई कार्यक्रमकाे सहजिकरण रेडियाे मिसनले गरेकाे थियाे । इन्द्रावती गाउँपालिकाका १२ वटै वडाहरूमा सार्वजनिक सुनुवाई कार्यक्रम गर्न लागिएकाे गाउँपालिकाले जनाएकाे छ ।