सिन्धुपाल्चाेक । मेलम्चीका अभियन्ता सागर कुमार श्रेष्ठको पहलमा सरस्वती माध्यमिक विद्यालय संरक्षण अभियानका लागि वकिङ नेपाली सेवा समाज युकेको  तर्फबाट रु ३ लाख ५१ हजार १११ आर्थिक सहयोग आइतबार  हस्तान्तरण गरिएको छ ।

२०७८ असार १ र त्यसपछिको बाढीले क्षति गरेको र अझै पनि जोखिममा रहेको हेलम्बु गाउँपालिका–४ ग्याल्थुम स्थित सरस्वती माध्यमिक विद्यालय संरक्षणका लागि पुर्व विद्यार्थी समाज सरस्वती माध्यमिक विद्यालय सिन्धुपाल्चोकको अभियानमा उक्त रकम सहयोग गरिएको हो । वकिङ नेपाली सेवा समाज युकेको निवर्तमान अध्यक्ष आशा राइले विद्यालयका प्रधानाध्यापक कुमारप्रसाद घोरासैनी लगायतको उपस्थितिमा उक्त रकम पुर्व विद्यार्थी समाजका पदाधिकारीलाई हस्तान्तरण गरेका हुन ।

निवर्तमान अध्यक्ष राइले संस्थाले बिभिन्न स्थानमा सहयोग गर्दै आएको बताउँदै आफुले यो रकममा ६७ हजार व्यक्तिगत सहयोग गरेको र केहि समय पछि रु एक लाख थप सहयोग गर्ने प्रतिवद्धता जनाए । पुर्व विद्यार्थी तथा अन्यबाट संकलित रकमबाट नदि नियन्त्रणका लागि प्राविधिक स्टमेट गराई विद्यालय अगाडि पक्की वाल लगाईने पुर्व विद्यार्थी समाजका उपाध्यक्ष देवीलाल शर्मा लामिछानेले जानकारी दिए । उनले करिव १०० मिटर पक्की वाल लगाउने उदेश्य रहेको बताए ।

शैक्षिक गुणस्तर सुधारको लागि पनि पुर्व विद्यार्थीहरु लगायत अन्यसंग समन्वय गरि काम गरिने पुर्व विद्यार्थी समाजका सचिव गंगानाथ भण्डारीले जानकारी दिए । समाजले चाँडै विद्यालय संरक्षणको लागि काम सुरु गर्ने उनकाे भनाई छ ।

अभियन्ता श्रेष्ठले मेलम्चीमा आफ्नो अगुवाईमा बाढिबाट क्षति भएको स्थान तथा घरहरु सरसफाई एवं नदि नियन्त्रणका लागि कार्य गरेको स्मरण गर्दै यस विद्यालय र ग्याल्थुम बजार संरक्षणका लागि अझै पहल गर्ने प्रतिवद्धता जनाए । उनले हेलम्बुको यस विद्यालय संरक्षणका लागि सहयोगको समन्वयका लागि युवा नेता विकल राई लगायतप्रति धन्यवाद ज्ञापन गरे ।

विद्यालयका प्रधानाध्यापक घोरासैनी, पुर्व विद्यार्थी समाजका सल्लाहकार एवं पुर्व प्रअ हरिकुमार शर्मा लगाययतले सहयोगप्रति आभार प्रकट गरे । यसै विच पुर्व विद्यार्थी सागर लामिछाने (उमाकान्त) ले पनि यस अभियानमा रु ५,५५५ सहयोग गर्ने प्रतिबद्धता जनाएका छन ।