मेलम्ची, सिन्धुपाल्चाेक । ४ महिने व्यवसायीक टेलर सम्बन्धि तालिमको आज समापन गरिएको छ । मेलम्ची नगरपालिकाको सहयोग तथा अभिया तालिम केन्द्रको आयोजनामा मेलम्चीमा आयोजित ४ महिने सिलाई कटाई तालिमको समापन गर्दै मेलम्ची नगरपालिकाका प्रमुख आइतमान तामाङले गाउँमै स्वरोजगार बन्न चाहनेका लागी नगरपालिकाले सधैं सहयोग गर्ने बताए ।
तामाङले व्यवसायीक रुपमा लाग्नेलाई नगरले थप तालिमको ब्यबस्था गर्ने जानकारी दिए । यसबाट आयआर्जनमा टेवा पुग्ने उनको विश्वास छ । सरकारले पटक पटक गरेर तालिममा लगानी गरेकाले यसको सदुपयोग गर्न प्रमुख तामाङले आग्रह गरे । तामाङले साझेदारीमा सामाग्री समेत सहयोग गर्ने प्रतिवद्धता जनाए ।
यसअघि रिड र मेलम्ची नगरपालिकाले आधारभुत तालिम दिएका २४ जना सिमान्तकृत, जनजाति तथा अन्य महिला तालिममा सहभागी रहेको नगरपालिकाका महिला बालबालिका तथा समावेशिकरण शाखाका प्रमुख राजेन्द्र दुलालले जानकारी दिए ।
तालिममा सहभागि मेनुका कोइरालाले मेसिनको लागि नगरले सहयोग गरे अझ सामुहिक रुमपमा काम गर्न सकिने बताइन ।
