सिन्धुपाल्चाेककाे मेलम्ची -११ डडुवामा डडुवा पुछारटोल बहु -आयमिक सामुदायिक भवन शिलान्यास गरिएको छ । आज मेलम्ची नगरपालिकाका उपप्रमुख उमा प्रधानले भवनको शिलान्यास गरिन ।

एक तल्ले भवन असार १५ सम्म सम्पन्न गरिने भवन निर्माण संचालन समितिका अध्यक्ष कालू तामाङले जानकारी दिए । मेलम्ची नगरपालिकाको ५० लाख बजेटमा उक्त सामुदायिक भवन निर्माण गर्न लागिएको हो ।

कार्यक्रममा उप प्रमुख उमा प्रधानले हरेक वडामा नगरपालिकाले बहु- आयमिक सामुदायिक भवन निर्माण गर्ने लक्ष्य लिएको र धेरैमा निर्माण भइरहेको र केही सम्पन्न भएको बताइन । वडा अध्यक्ष चन्द्र बहादुर तामाङले सामुदायिक भवन बनेपछि स्थानियलाई सहज हुने बिश्ववास ब्यक्त गरे । भवनबाट ५४ घरधुरी लाभान्वित हुनेछन ।

कार्यक्रममा पुर्व वडा अध्यक्ष रुद्रप्रसाद दुलाल, कार्यपालिका सदस्य दिनेश घले, वडा सदस्यहरु रेवतीरमण दुलाल, प्रतिमा धिताल लगायतको उपस्थिति रहेको थियो ।

त्यस्तै आजै मेलम्ची -११ कटुन्जे मानेडांडामा छ्योर्तेन माने समेत शिलान्यास गरिएको छ ।