हेलम्बु, सिन्धुपाल्चाेक । संस्कृति पर्यटन तथा नागरिक उड्डयन मन्त्री हित बहादुर तामाङले मुलुककाे संविधान प्राप्तीमा आदिवासी जनजातीकाे याेगदान अतुलनिय रहेकाे बताएका छन ।
नेपाल आदिवासी जनजाति महासंघ, जिल्ला समन्वय परिषद्, सिन्धुपाल्चाेककाे चाैथाे अधिवेशनकाे उद्घाटन समाराेह कार्यक्रमलाई सम्बाेधन गर्दै प्रमुख अतिथि तामाङले मुलुककाे संविधान प्राप्तीमा आदिवासी जनजातीकाे याेगदान अतुलनिय रहेकाे बताएका हुन । विभिन्न जनवर्गिय संगठनकाे आन्दाेलनले आदिवासी जनजातीमा जागरण पैदा गराएकाे उनकाे भनाई छ । क्रान्तीलाई पूरा गर्न बर्गिय संगठनहरू बनेकाे उनकाे भनाई थियाे ।
‘माओवादिले जातिय माेर्चा नबनाएकाे थियाे भने कांग्रेस र एमालेले पनि बनाउँदैनथ्याे’, मन्त्री तामाङले भने । अहिलेकाे उपलब्धिकाे मुल श्रेय आदिवासी जनजाती लाई जाने तामाङले बताए । ‘आदिवासी जनजातीकाे याेगदान विना राज्य ब्यबस्था प्राप्त हुँदैनथ्याे’ मन्त्री तामाङले भने ।
आदिवासी जनजातीकाे साझा समस्या समाधान गर्न सबै एकजुट हुनु जरूरी रहेकाे उनले बताए । ‘हामी माथी विभेद छ । हिजाे कानुनी रूपमै विभेद थियाे तर अहिले ब्यबहारमा अझै विभेद छ’, तामाङले थपे ‘हामी लड्ने भनेकाे प्रवृत्ति बिरूद्व हाे । जसले पहिचानकाे मुद्वा बेवास्ता गर्छ, हामी त्यसका बिरूद्व बाेल्नुपर्छ’ ।
