मेलम्ची । सिन्धुपाल्चाेककाे मेलम्ची नगरपालिकाकाे प्रमुख प्रशासकीय अधिकृत फेरिएका छन । संघीय मामिला तथा सामान्य प्रशासन मन्त्रालयले अशाेक कुमार भट्टराईलाई मेलम्चीको नयाँ प्रशासकीय प्रमुखको रुपमा पठाएको छ ।
यसअघिका प्रमुख प्रशासकीय अधिकृत निमेष मिश्रले मेलम्ची छाडेपश्चात याेजनाहरूकाे भुक्तानी लगायतकाे काम हुन सकेकाे थिएन । मिश्र गएपश्चात लेखा अधिकृत मुराडी पुडासैनीले निमित्त प्रमुख प्रशासकीय अधिकृतकाे जिम्मेवारी पाएका थिए ।
आज एक कार्यक्रमका बिच नगरपालिकाका प्रमुख आइतमान तामाङले प्रमुख प्रशासकीय अधिकृत अशाेक कुमार भट्टराईलाई नगरपालिकामा स्वागत गरे । अब कार्यालयकाे काम कारवाहि चुस्त गतिमा अघि बढ्ने प्रमुख तामाङले विश्वास व्यक्त गरे ।
प्रमुख तामाङको अध्यक्षतामा भएको उक्त स्वागत कार्यक्रममा उपप्रमुख उमा प्रधान, वडा नं. ११ का वडाध्यक्ष चन्द्र बहादुर तामाङ, वडा नं. ७ का वडाध्यक्ष पासाङ तामाङ, वडा नं. ३ का वडाध्यक्ष कुमार बन्जरा र वडा नं. ६ का वडाध्यक्ष प्रेम बहादुर तामाङ सहित विषयगत शाखाका प्रमुख र कर्मचारीहरुकाे उपस्थिति रहेकाे थियाे ।
