वनमा डढेलो लगाउँदै गरेको अवस्थामा एकजनालाई प्रहरीले पक्राउ गरेको छ ।

सिन्धुपाल्चाेककाे बलेफी गाउँपालिका वडा नम्बर ७ का ३५ वर्षीय मिलन लामालाई जलविरे प्रहरीले पक्राउ गरेको हो । जानाजानी वनमा डढेलो लागाउने गरेता पनि डढेलो लगाएकै आरोपमा सिन्धुपाल्चोकमा पहिलोपटक लामा पक्राउमा परेका हुन् ।

आइतबार दिउँसो करिब २ बजेतिर सेल्टाप सामुदायिक वनमा आगो लगाउँदै गरेको अवस्थामा प्रहरीले लामालाई रंगे हात पक्राउ गरेको हो। उनलाई थप अनुसन्धानका लागि जिल्ला अदालत सिन्धुपाल्चोकबाट ५ दिने म्याद थपको आदेशसहित हिरासतमा राखिएको प्रहरीले जनाएको छ ।

कसुर सावित भएमा क्षति भएको बिगो असुल गरी तीन वर्ष कैद वा ६० हजार जरिवाना वा दुबै सजाय हुने व्यवस्था कानुनमा उल्लेख छ ।