चाैतारा । नेपाल तामाङ संघको सिन्धुपाल्चोक जिल्ला अध्यक्षमा नेपाली कांग्रेसका युवा नेता क्षेत्र बहादुर तामाङ मनाेनित भएका छन । नेपाल तामाङ संघका केन्द्रीय अध्यक्ष रामकृष्ण लामा (इन्द्र) ले उनलाई अध्यक्षमा मनोनयन गरेका हुन ।

सिन्धुपाल्चाेककाे इन्द्रावती गाउँपालिका वडा नं ४ का नेपाली कांग्रेसका पार्टी सभापती समेत रहेका तामाङ साेहि वडाका निर्वाचित वडा अध्यक्ष हुन ।

‘नेपाली काँग्रेसको भातृ संस्था नेपाल तामाङ संघले राष्ट्रियता, समावेशी लोकतन्त्र, समाजवाद र तामाङ एकताको लागि देशव्यापी रुपमा संगठन निर्माण र विस्तार गरिरहेको छ’, पत्रमा भनिएकाे छ ।

देशभरिका तामाङ समुदायलाई राजनैतिक रुपमा संगठित र प्रशिक्षित गरि नेपाली काँग्रेसमा आवद्व गराउँदै तामाङ आदिवासीको भाषा, संस्कृति र भेषभूषाको जगेर्ना गर्न तामाङ संघकाे स्थापना भएकाे नेपाल तामाङ संघका केन्द्रीय अध्यक्ष रामकृष्ण लामा (इन्द्र) ले जानकारी दिए ।

साथै पत्र प्राप्त भएको मितिले ३ महिना भित्र जिल्ला कार्यसमितिलाई पूर्णता दिँदै संगठन बिस्तार गरी जिल्ला अधिवेशन गर्न केन्द्रीय कार्यसमितिले निर्देशन दिएकाे छ ।