सिन्धुपाल्चाेक । इन्द्रावती गाउँपालिकाले गाउँपालिकालाई राजनीतिक भर्ती केन्द्र बनाउन लागेकाे भन्दै गाउँपालिकाका पुर्व अध्यक्ष वंशलाल तामाङले आपत्ती जनाएका छन ।
इन्द्रावती १ सिम्पालकाभ्रेमा शैक्षिक सामाग्री तथा ट्र्याकसुट टी-सर्ट बितरण कार्यक्रममा मन्तब्य राख्दै तामाङले भने ‘ईन्द्रावतीलाई राजनीतिक भर्ती केन्द्र बनाएकाे छ भने हामी चुप लागेर बस्ने छैनाैँ, हामी प्रतिकार गर्छाैँ’ । ‘इन्द्रावती गाउँपालिका कार्यकर्ता भर्ती केन्द्र नबनाेस’, उनले भने ।
याेग्यता नपुगेका र पार्टीकाे कार्यकर्ता विद्यालयमा भर्ती गर्ने प्रयास गरेकाे छ भन्ने सुन्नमा आएकाे भन्दै त्याे सफल नहुने उनले बताए । यसले कसैकाे भलाे नहुने तामाङकाे भनाई छ ।
‘अहिलेकाे नेतृत्व कर्तब्यबाट बिमुख हुनुभयाेकि भन्ने लागेकाे छ’, तामाङले थपे । इन्द्रावतीकाे शिक्षामा इतिहासमै नराम्राे नतिजा आएकाे भन्दै उनले दुख व्यक्त गरे ।
शैक्षिक प्रगतीमा सिम्पालेश्वरी मावि अब्बल भएकाे भन्दै तामाङले विद्यालयकाे प्रशंसा गरे । शैक्षिक सामाग्री तथा ट्र्याकसुट टी-सर्ट बितरण गरेर माेहन गिरि जस्ता शैक्षिक अभियन्ताले शिक्षाकाे गुणस्तर अभिबृद्विमा टेवा पुराएकाे बताए ।
वडा नं १ मा पनि स्वास्थ्यचाैकी भवन बन्न लागेकाे र भवन सम्पन्न भएपश्चात् यहि बाट विशेष स्वास्थ्य सेवा पाउन सकिने उनले जानकारी दिए । सिम्पाल काभ्रे अब धेरै समय दुर्गम बाट प्रताडित हुनुनपर्ने उनकाे भनाई छ । ‘गगन थापाले शुरू गरेकाे स्वास्थ्य नितिले गर्दा गाउँ गाउँमै स्वास्थ्य शेवा पाइरहेका छाैँ’, पुर्व अध्यक्ष तामाङले भने ।
