सिन्धुपाल्चाेक । इन्द्रावती गाउँपालिकाको वडा नम्बर ३ को खुतुमेमा बृहत स्वास्थ्य शिविर सम्पन्न भएको छ । गाउँपालिकाको आयोजनामा शिविर सम्पन्न भएको गाउँपालिकाका सुचना प्रविधि अधिकृत सन्तोष सापकोटाले जानकारी दिए ।
साविककाे कुञ्चाेक गाविस र हालकाे इन्द्रावती २ र ३ लाई मध्यनजर गर्दै शिविर गरिएकाे हाे । कुञ्चाेक स्वास्थ्य चाैकीमा शिविर भएकाे थियाे । इन्द्रावती गाउँपालिकाकी उपाध्यक्ष शाेभना तामाङले शिविरकाे उद्वाटन गरेकी थिइन ।
वडा नम्वर २ र ३ का आम नागरिक लाई केन्द्रमा राखेर ईन्द्रावती गाउँपालिकाको आयोजना र जर्मन नेपाल सहयोग संघको सहयोगमा खूतुमेडाँडामा सञ्चालित शिविरमा वडा नम्बर २ र ३ का नागरीकले सेवा लिएको वडा नम्बर २ का वडा अध्यक्ष श्याम बहादुर गिरीले जानकारी दिए ।
शिविरमा सामान्य चेकजाँच गराउने ३ सय २० जना, स्त्री तथा प्रसुति रोग जाँज गराउने ८८ जना, दाँत सम्बन्धि चेकजाँच तथा उपचार गराउने ९३ जना, आँखा सम्बन्धि चेकजाँच तथा उपचार गराउने २ सय ३८ जना रहेको गाँउपालिकाका सिनियर अहेव अधिकृत अनिरूद्र तिमल्सिनाले जानकारी दिए । जसमध्ये अप्रेसन गर्नुपर्ने ५० जना, २५ जनालाई चस्मा वितरण, सामान्य उपचार १ सय ६३ जनालाई गरिएको तिमिल्सिनाले बताए ।
शिविरमा क्षयरोगको शँका लागेका ३८ जनाको खकार परीक्षण गरीएको थियो । कुष्ठरोगको शँका लागेका ५६ जनाको परीक्षण गरीएको छ । क्षयरोग तथा कृष्ठरोग परीक्षणको विस्तृत विवरण ३ दिनपछी आउने सिनियर अहेव अधिकृत तिमल्सिनाले जानकारी दिए ।
गाँउपालिकाको विभिन्न स्थानमा बृहत स्वास्थ्य शिविर सञ्चालन हुने छ । बैशाख १९ गते इन्द्रावती १ काे सिम्पालकाभ्रे स्वास्थ्य चाैकी र २० गते इन्द्रावती १० काे भाेटसिपा स्वास्थ्य चाैकीमा शिविर हुने गाउँपालिकाले जनाएकाे छ ।
त्यस्तै त्यस्तै क्षयराेग तथा कुष्ठराेग स्कृनिङ शिविर बैशाख २२ गते इन्द्रावती १२ काे भिमटार स्वास्थ्य चाैकी र २३ गते इन्द्रावती ६ काे बांडेगाउँ स्वास्थ्य चाैकीमा हुने तिमल्सिनाले जानकारी दिए ।
