सिन्धुपाल्चाेक । इन्द्रावती गाउँपालिकाको वडा नम्बर १० भाेटसिपामा बृहत स्वास्थ्य शिविर सम्पन्न भएको छ । गाउँपालिकाको आयोजनामा शिविर सञ्चालन गरिएकाे थियाे ।
गाउँपालिकाको आयोजना, वडा कार्यालयकाे समन्वय, जर्मन नेपाल सहयोग संघ र बिकासकाे लागि एकता संस्थाकाे सहयोगमा ईन्द्रावती १० काे भाेटसिपा स्वास्थ्य चाैकीमा शिविर सञ्चालन गरिएकाे थियाे ।
शिविरमा सामान्य चेकजाँच गराउने ३ सय १ जना, स्त्री तथा प्रसुती रोग जाँच गराउने १३४ जना, दाँत सम्बन्धि चेकजाँच तथा उपचार गराउने ११६ जना, आँखा सम्बन्धि चेकजाँच तथा उपचार गराउने २५१ जना रहेको गाँउपालिकाका सिनियर अहेव अधिकृत अनिरूद्र तिमल्सिनाले जानकारी दिए ।
जसमध्ये माेतियाबिन्दुकाे अप्रेसन गर्नुपर्ने २८ जना, ५० जनालाई चस्मा वितरण, सामान्य उपचार १ सय ७३ जनालाई गरिएको तिमिल्सिनाले बताए । शिविरमा क्षयरोगको शँका लागेका ३८ जनाको खकार परीक्षण गरीएको थियो ।
गाउँपालिकाका अध्यक्ष झम्कनाथ नेपालकाे प्रमुख आतिथ्यता र वडा नं १० का अध्यक्ष रामचन्द्र घिमिरेकाे अध्यक्षतामा शिविर सम्पन्न गरिएकाे हाे । कार्यक्रममा इन्द्रावती १० का वडा सदस्यहरू बलराम भट्टराई, हेमन तामाङ, गंगा बसेल पुर्कुटीकाे समेत उपस्थिति रहेकाे थियाे ।
कुञ्चाेक स्वास्थ्य चाैकी प्रमुख बिकास अधिकारी, बाडेगाउँ स्वास्थ्य चाैकी प्रमुख सिर्जना तामाङ, सिपापाेखरे स्वास्थ्य चाैकी प्रमुख प्रतिमा तामाङ र तुलसीडाँडा सामुदायिक स्वास्थ्य इकाइ प्रमुख अष्टलक्ष्मी तामाङले कार्यक्रममा सहयाेग गरेका थिए ।
त्यस्तै त्यस्तै क्षयराेग तथा कुष्ठराेग स्कृनिङ शिविर बैशाख २२ गते इन्द्रावती १२ काे भिमटार स्वास्थ्य चाैकी र २३ गते इन्द्रावती ६ काे बांडेगाउँ स्वास्थ्य चाैकीमा हुने तिमल्सिनाले जानकारी दिए ।
