सिन्धुपाल्चोकको वनदेउ चौतारा सडक खण्डस्थित जल्केनी मोडमा विपरीत दिशाबाट आइरहेको मोटरसाइकल र टिपर एकआपसमा भेट भई माेटरसाईकल पल्टिँदा एक जनाको मृत्यु भएको छ ।
वनदेउबाट चौतारातर्फ आउदै गरेको प्रदेश ३–०२–००६ प. ९५३९नं. को मोटरसाइकल र विपरीत दिशाबाट आउँदै गरेको बा.प्र. ०१–००६ ख. २७१६ नं. को टिपर भेट हुँदा माेटरसाईकल अनियन्त्रित भएकाे हाे ।
प्रहरीकाअनुसार मृत्यु हुनेमा चौतारा साँगाचोकगढी न.पा. ७ की ईन्दिरा अधिकारी रहेकी छिन् । उनी मोटरसाइकलको पछाडि सवार थिइन् । मोटरसाइकल उनका श्रीमान् सन्तोष दुलालले चलाएका थिए ।
अधिकारीलाई उपचारका लागि चौतारा अस्पताल ल्याइएको थियो । अस्पतालले उनलाई मृत घोषणा गरेको जिल्ला प्रहरी कार्यालय सिन्धुपाल्चोकले जनाएको छ । सन्तोष घाइते छन् ।
टिपर चालक चौतारा साँगाचोक गढी न.पा. ११ का मनोहरी गिरी प्रहरीको नियन्त्रणमा छन् । उनीमाथि थप अनुसन्धान भइरहेको प्रहरीले जनाएको छ ।
