मेलम्ची । मेलम्ची नगरपालिकाका प्रमुख आइतमान तामाङले आयआर्जनसंग सम्बन्धित काममा लाग्न आग्रह गरेका छन ।

नगरपालिका स्तरीय दलित साझा सञ्जाल मेलम्चीको आयोजना तथा मेलम्ची नगरपालिकाको सहयोगमा आयोजित २ दिने दलित हक र अधिकार सम्बन्धी अभिमुखिकरण कार्यक्रमको शनिबार मेलम्चीमा उद्घाटन गर्दै प्रमुख अतिथि तामाङले सिपमुलक तालिम लिएर आय —आर्जनकाे काममा लाग्नेलाई नगरले सहयोग गर्ने बताए  ।

हरेक वडा सदस्य तथा कार्यपालिकामा रहेका सदस्यहरुले दलित अधिकारका लागि के के गरे, योजनाहरुको लागि कति प्रयत्न गरेको छ चासो राख्नु पर्नेमा समेत उनले जोड दिए । आगामी दिनमा दलित हक अधिकार तथा विकास निर्माणका कार्यको बारेमा जनप्रतिनिधिले ध्यान दिनुपर्नेमा जोड दिए ।

कार्यक्रममा मेलम्चीका दलित वडा सदस्य, कार्यपालिका सदस्य, दलित अगुवा लगायत ५० जनाकाे सहभागीता रहेको आयोजक सचिव टीकाबहादुर विश्वकर्माले जानकारी दिए ।