सिन्धुपाल्चोकको पाँचपोखरी थाङपाल गाउँपालिका वडा नम्बर ७ भोटेनाम्लाङलाई कागती, सुन्तला र ओखरको विरुवा सहयोग गरिएको छ ।
हेलम्बु एग्रो फर्म रिसर्च सेण्टरले उपलब्ध गराएको ४ हजार वटा विरुवा आज वडा अध्यक्ष सुके तामाङलाई हस्तान्तरण गरेकाे हाे । नेपाली काङ्ग्रेस निकट तरुण दलका सिन्धुपाल्चोक ख का सभापति फुर्पा लामा र तरुण दल जिल्ला सदस्य गोपाल नेपालीको पहलमा रिसर्च सेण्टरले उपलब्ध गराएको विरुवा वडा इकाइ सभापति शुदर्शन खाती, सचीव अमिर योन्जन, दिपक गिरी लगायतको उपस्थितिमा विरुवा वितरण तथा वृक्षरोपण गरिएको तरुण दल सिन्धुपाल्चोकका सदस्य गोपाल नेपालीले जानकारी दिए ।
विरुवा ग्रहण गर्दै वडा अध्यक्ष तामाङले धन्यवाद व्यक्त गरे । उनले आगामी दिनमा पनि यस्तै रचनात्मक सहयोगको अपेक्षा गरिएको बताए ।
