मेलम्ची । गएरातीको बर्षाका कारण अवरुद्ध भएको सिन्धुपाल्चाेककाे मेलम्ची भोताङ सडकखण्ड सुचारु भएको छ । मेलम्ची नगर प्रमुख आइतमान तामाङको नेतृत्वमा मकैबारी खण्डमा आएको पहीरो हटाई सडक सुचारु भएको हो ।

मेलम्ची -तिपेनी -भोताङ सडक अन्तर्गत खाल्डेखोला नजिकै गएको पहिरोले अबरुद्ध सडक खुलेको हाे । मेलम्ची नगरपालिकाका प्रमुख आइतमान तामाङको नेतृत्वमा पुगेको टोलिले नगरको स्काभेटरको सहयोगमा २ घण्टा पछि सडक सुचारु गरिएको हो ।

सो सडकखण्ड सुचारु नहुंदा पाँचपोखरी थाङ्पाल गाँउपालिकाका नागरीकहरुलाई आवतजावतमा समस्या भएको थियो । सो सडकखण्ड हरेक बर्ष बर्षायामको समयमा विभिन्न ठाँउमा अवरुद्ध हुने गरेको छ ।

आफु निर्वाचित नगरपालिकाका सबै सडकहरु बर्षभरी नै सञ्चालनमा ल्याउने कुरामा लागिरहेको नगर प्रमुख आइतमान तामाङले बताए । आफ्नो पालिका मात्र नभई अन्य पालिकाका नागरीकले प्रयोग गर्ने सडकलाई पनि प्राथमिकतामा राखी काम गरीरहेको बताउँदै प्रमुख तामाङले बर्षायाममा ग्रामिण भेगका सडकहरु बन्द हुने भएकाले नगरपालिका तयारी अवस्थामा रही काम गरीरहेको उहाँले जानकारी दिए ।