सिन्धुपाल्चाेक । हाम्रो टिम मेलम्चीको अध्यक्षमा पुनः आशिष श्रेष्ठ सर्वसम्मत निर्वाचित भएका छन । आज मेलम्चीमा भएको प्रथम साधारणसभा बाट आशिष श्रेष्ठको अध्यक्षतामा समिति चयन गरेको समितीका सदस्य अनिल दुलालले जानकारी दिए ।

साधारणसभालाई सम्बोधन गर्दै वडा नम्बर ११ का अध्यक्ष एवम् कार्यक्रमका प्रमुख अतिथि चन्द्रबहादुर तामाङले क्लबले सामाजिक क्षेत्रमा गरेको कामको प्रशंसा गरे । क्लबले मेलम्ची बजारको सौन्दर्य बढाउन सरसफाइ, रंगीचंगी बनाउनुका साथै झिलिमिलि मेलम्ची बनाउन क्लबले महत्त्वपूर्ण भुमिका खेलेको तामाङले जानकारी दिए । क्लबले खेलकुद, सामाजिक तथा आर्थिक क्षेत्रमा समेत काम गरर्दै आएकाे छ ।

त्यस्तै कार्यक्रममा विशेष अतिथि सिपि दुलालले क्लबलाई सधैं साथ र समर्थन रहने उद्घाेस गरे । उनले मेलम्ची बजारलाई ब्यबस्थित, आकर्षक र सुन्दर बनाउन आगामी दिनम क्लब संग मिलेर काम गर्ने बताए ।

आज भएको अधिवेशन बाट उपाध्यक्षमा सागर श्रेष्ठ, सचीव रिजन श्रेष्ठ, सहसचिबमा निश्चल श्रेष्ठ र कोषाध्यक्षमा अविशा चालीसे निर्वाचित भएका छन । त्यस्तै सदस्यहरुमा अनिल दुलाल, रिना श्रेष्ठ, अर्विन श्रेष्ठ, बिजय श्रेष्ठ, निर्जल श्रेष्ठ र करिना श्रेष्ठ निर्वाचित भएको क्लबले जनाएको छ ।

अध्यक्षमा निर्वाचित श्रेष्ठले आगामी दिनमा पनि सबै सरोकारवालाहरु संग सहकार्य गर्दै सामाजिक तथा खेलकुदको क्षेत्रमा काम गर्ने प्रतिबद्धता जनाए ।