हेलम्बु । हेलम्बु गाउँपालिका उपाध्यक्ष अप्सरा लामिछानेले सहकारीकाे साधारणसभामा मात्र नभई सधैं सहकारीको गतिविधिमा सदस्यहरुले ध्यान दिनुपर्ने बताएकि छिन ।
हेलम्बु गाउँपालिका -४ स्थित सामुहिक बहुउद्देश्यीय सहकारी संस्था लिमिटेडको २० औं वार्षिकोत्सब कार्यक्रममा लामिछानेले आफुपनि पहिला सहकारी संचालक समितिमा रहेर काम गरेको बताउँदै सहकारीलाई गर्न पर्ने सहयोग पालिकाले गर्ने बताइन । सहकारी भनेको साझेदारी र सहकार्य रहेकाले यसमा सबैले ध्यान दिनुपर्ने उनकाे भनाई छ ।
सहकारीका अध्यक्ष बलराम (सुनार) बिकले सहकारीको कामको बारेमा बताउँदै सबै सहकारी आफ्नो उदेश्य अनुसार चल्नु पर्ने बताए । सहकारीमा सदस्य संख्या १, ५२९ रहेको
संस्थाका सचिव कुलबहादुर थापाले जानकारी दिए ।
