चाैतारा । लैङ्गिक हिंसा महिला हिंसा मात्र हैन भन्ने बुझाईको विकास गर्नु अनिवार्य भइसकेकाे चौतारा साँगाचोकगढी नगरपालिकाकी उपप्रमुख सीता थापाले बताएकी छन ।

लैङ्गिक हिंसा महिला हिंसा मात्र हैन भन्ने बुझाईको विकास गर्ने महत्वपुर्ण अभियानमा धेरै पुरुषलाई सहभागी गराउने कोसिस गरिएको उपप्रमुख थापाकाे भनाई थियाे ।

चौतारा साँगाचोकगढी नगरपालिकाको आर्थिक सहयोग, नगर स्तरीय महिला सञ्जालको आयोजनामा चौतारा साँगाचोकगढी नगरपालिका वडा नम्बर –५ चौतारा बागबजारमा लैङ्गिक हिंसा न्यूनिकरणको लागि पुरूष सहभागिता बिषयक अभिमुखिकरण कार्यक्रमलाई सम्बाेधन गर्दै थापाले लैङ्गिक हिंसामा पुरुष, महिला, जेष्ठ नागरिक वा वालबालिका जो कोहि पनि पर्नु हुदैन भन्ने कार्यक्रमको उदेश्य रहेको उपप्रमुख थापाले बताइन ।

नगर उपप्रमुख  सीता थापाको प्रमुख आतिथ्यता, वडा नम्बर –५ का वडा अध्यक्ष शिव श्रेष्ठको विशेष आतिथ्यतामा, नगर महिला सञ्जालका अध्यक्ष जानुका पराजुलीको सभाध्यक्षता र अधिबक्ता चन्द्रकुमार बस्नेतको सहजीकरणमा कार्यक्रम भएको हो ।

चाैतारा साँगाचाेकगढी नगरपालिकाकाे १, २, ३, ५, ९ र १० वडाहरुमा कार्यक्रम गरिएको थियो ।