काठमाडौं, नेपाल क्रिकेट संघ (CAN) द्वारा आयोजित बहुप्रतीक्षित नेपाल प्रिमियर लिग (NPL) को दोस्रो संस्करणका लागि सम्पूर्ण तयारी पूरा भएको छ। ‘फेस्टिभल अफ हिमालयज’ को उपनाम दिइएको यो राष्ट्रिय स्तरको क्रिकेट प्रतियोगिता भोलि सोमबार, मंसिर १ गते  कीर्तिपुरस्थित त्रिभुवन विश्वविद्यालय क्रिकेट मैदानमा सुरु हुँदैछ।

इन्द्रावती गाउँपालिकाको सन्देश

क्यानका अनुसार, यस पटकको एनपीएललाई पहिलो संस्करणभन्दा अझ भव्य बनाउने लक्ष्य राखिएको छ। विशेष गरी, यस संस्करणको सबैभन्दा ठूलो आकर्षण टीयू मैदानमा जडान गरिएको फ्लडलाइट्स (Floodlights) हो। ४२० वटा बत्ती जडान गरिएका ६ वटा पोलका कारण नेपालमा पहिलो पटक डे-नाइट (दिन-रात) क्रिकेट म्याचहरू आयोजना हुनेछन्, जसले दर्शकहरूलाई साँझको समयमा पनि खेल हेर्ने उत्कृष्ट अनुभव प्रदान गर्नेछ।