नवलपुर । ईन्द्रावती गाउँपालिकाको दोस्रो गाउँ सभाको पाँचौं अधिवेशन सम्पन्न भएको छ । आज आइतवारको गाउँ सभाले २ विद्येयक संसाेधन सहित सर्वसम्मतीले पास गरेको छ ।

२०८० पाैष २६ गतेका लागि आव्हान गरिएकाे इन्द्रावती गाउँपालिकाको दोस्रो गाउँ सभाको पाँचौं अधिवेशन स्थगित भएकाे थियाे ।

आज भएको गाउँसभाले शिक्षा ऐन पहिलो संसोधन विद्येयक २०८० र खेलकुद बिकास विद्येयक २०८० लाई सर्वसम्मतीले पास गरेको हो । यस्तै गाउँ सभाले बिनियोजन ऐन आर्थीक बर्ष २०८०÷०८१ को संसोधन प्रश्ताव योजना तथा कार्यक्रम संसोधन सम्बन्धि प्रश्ताव (रकमान्तर) समेत पास गरेको छ । यस्का साथै गाउँ सभाले ८ वटा कार्यविधि पास गरेको छ ।

शुन्य समयमा बोल्दै वडा सदस्य खिल प्रसाद आचार्यले अघिल्लो बैठक स्थगित हुनुको कारण माग गर्नुका साथै गाउँसभाका सदस्यहरुलाई टेवल माग गरेका थिए । साथै वडा सदस्य तिर्थबहादुर तामाङले पनि गाउँ सभा स्थगित हुनको कारण माग गरेका थिए । बिषयगत समितिको समय समयमा बैठक बस्नुपर्ने उनले सुझाव दिए ।

शुन्य समयमा गाउँसभाका सदस्यहरुको गुनासोलाई सम्बोधन गर्दै ईन्द्रावती गाउँपालिकाका अध्यक्ष झम्कनाथ नेपालले इन्द्रावतीमा सत्तापक्ष र प्रतिपक्षी नभएको भन्दै सबै जनप्रतिनिधि समान भएको बताए । अघिल्लो गाउँ सभा गणपुरक सङ्ख्या नपुगेका कारण स्थगित भएको अध्यक्ष नेपालले स्पष्ट पारे ।